قصيدة زجلية=مالك ألمخزن جهلتي

تلفتي..والله تتلفتي

وا لمخزن راك تلفتي

خرجت ليك هاد لحركة

ومشات ليك البركة

كلتي دابا تسالي

وتعيا الحركة

ساعا طولات

ولبنادم خرجات

والتظاهرات كترات

زوقتي بالدساتير

بالشيخات و البنادير

وكلتي نكمل بالانتخابات

ساعة تحاجة مقدات

قلبتيها اعتيقالات واختطافات

ورجال شرفا

دخلتيهم لحباسات

مالك مالك جهلتي

معرفتي مدير تلفتي

استجوابات و استنطاقات

أيام الرصاص رجعات

كل مدينة فيها شهيد

معتقل و متشريد

ومدينتنا بلاها المخزن الزين

بسفاح في القتل رزين

عماري وبودروة وشبابنا الزين

قتلنا مداويينش

قلوا الرجال

زمن الدجال

ميات معتقال و معتقال

وحنا مكابلين لقيل والقال

حاضيين اليمين واليسار

وناسيين تحالف لشرار

وا لمخزن جمع راسك

قهرتينا من ساسك لراسك

قتلتي شديتي

ولرزقنا ديتي

مقدوك سنوات فاتو

كليتينا ورجالنا فيها ماتو

مالك جهلتي

راك بفعايلك حلتي

وحضي راسك

راه الشعب عافك